Ahmed al Ahmed, 43 vjeç, i rrëmbeu pushkën sulmuesit gjatë të shtënave në Bondi Beach që vranë 12 persona, duke marrë plagë me armë zjarri dhe duke parandaluar viktima të mëtejshme.

Një pronar mysliman i një dyqani frutash kapi dhe çarmatosi një person të armatosur gjatë të shtënave vdekjeprurëse të së shtunës në plazhin Bondi, duke marrë plagë të shumta me armë zjarri dhe duke parandaluar viktima të mëtejshme, në një aktivitet festiv hebraik në Sydney të Australisë.
Ahmed el Ahmed, 43 vjeç, iu afrua një sulmuesi nga pas, i rrëmbeu armën dhe neutralizoi kërcënimin gjatë sulmit që vrau 12 persona.
Banori vendas i Sidneit, baba i dy fëmijëve pa përvojë me armë zjarri, u qëllua dy herë gjatë ndërhyrjes së tij dhe iu nënshtrua një ndërhyrjeje kirurgjikale urgjente të shtunën në mbrëmje.
Pamjet video tregojnë el Ahmedin duke ia rrëmbyer armën sulmuesit.
Kryeministri australian Anthony Albanese konfirmoi se gjatë sulmit janë vrarë 12 persona dhe 29 tjerë janë plagosur, përfshirë dy oficerë policie. Autoritetet raportuan se një i dyshuar u vra dhe një tjetër është në paraburgim.
Një i afërm i al-Ahmed, i cili e identifikoi veten si Mustafa Asad, i tha shërbimit televiziv australian të lajmeve 7News se al-Ahmed u qëllua dy herë gjatë incidentit.
"Ai është në spital dhe ne nuk e dimë saktësisht se çfarë po ndodh", tha Asadi për median. "Shpresojmë vërtet që ai të jetë mirë. Ai është një hero, 100 përqind".
Ai the se al-Ahmed "është një shtetas australian me origjinë siriane, nga Idlibi i Sirisë, nga fshati Nayrab".
Përfaqësuesit e komunitetit mysliman të Australisë e dënuan menjëherë sulmin dhe shprehën solidaritet me familjet e viktimave.