Aktivitetet e KBIGJ


Me iniciativën e Këshillit të Bashkësisë Islame në Gjakovë, sot filloi mësim-besimi fetar për nxënës (djem dhe vajza), i cili do të mbahet çdo të shtune nga ora 11:00 deri në 12:30, në tre muajt e ardhshëm, në disa xhami të qytetit dhe të fshatrave të Gjakovës.

Regjistrimi vazhdon deri të shtunen tjetër.










https://www.youtube.com/watch?v=VEVbtQA4Pz8


Ato u ndihmuan me nga një pako ushqimore hixhienike si dhe me nga një thes miell, ku secila kapë vlerën nga 25 euro.

“Çdo fund muaj përgatisim nga 50 pako ushqimore për familjet nevojtare, ku secila pako kapë vlerën nga 25 euro. Një pjesë të pakove i kemi shpërndarë këtu ndërsa pjesën tjetër, atyre me aftësi të kufizuar, ua dërgojmë në shtëpi”, ka thënë koordinatori Shoqatës humanitare “Bereqeti”, dega në Gjakovë, Abdurahman Bejtullahu, i cili edhe njëherë shfrytëzoi rastin t’i falënderoj të gjithë njerëzit e vullnetit të mirë për ndihmën që e bëjnë për t’ua lehtësuar sadopak gjendjen e tyre të rëndë ekonomike.

Familjarët që u ndihmuan thonë se për ata këto pako janë shumë të mirëseardhura për faktin se gjendja e tyre ekonomike është shumë e rëndë.

Iniciatava të tilla humanitare janë të shumta, ku dihet se këtyre familjeve u duhet më shumë përkrahje, e sidomos për një jetesë më të mirë se që e bëjnë.


https://www.youtube.com/watch?v=CP_5GIFsHW4


Shoqata Humanitare Bamirëse “Bereqeti”, i ka dhuruar gjatë ditës së sotme Universitetit të Gjakovës një donacion të dorëzave dhe maskave si mjete mbrojtëse për parandalimin e përhapjes së pandemisë globale COVID-19. Ky donacion për studentët u bë në kohën e provimeve, ndërsa “Bereqeti” pranoi mirënjohje nga rektori i Universitetit të Gjakovës.
Koordinatori i “Bereqetit” – dega në Gjakovë, z. Abdurrahman Bejtullahu u prit në takim nga rektori i Universiteti të Gjakovës, “Fehmi Agani”, Prof. Ass. Dr. Artan Nimani dhe përfaqësuesit e studentëve nga Parlamenti Studentor.
Donacioni nga Shoqata Humanitare u bë pas kërkesës së Parlamentit Studentor që në kohën e provimeve të pajisjen me masa mbrojtëse si dorëza dhe maska. “Bereqeti” edhe kësaj here ishte në shërbim që të ofrojë ndihmë, duke u dhuruar 2000 palë dorëza dhe 1000 copë maska mbrojtëse për studentët e Universitetit të Gjakovës “Fehmi Agani”, ndërsa ky donacion kap vlerën e 670 eurove.
Koordinatori i “Bereqetit”, z. Abdurrahman Bejtullahu e mirëpriti me kënaqësi kërkesën e studentëve, duke u bërë me dije se gjithmonë do të jetë i gatshëm t’i ndihmojë studentët në çfarëdo mënyre.
Rektori, Prof. Ass. Dr. Artan Nimani e falënderoj z. Bejtullahu për kontributin e tij në veprimtarinë bamirëse për studentët, që ata të pajisen me dorëza dhe maska mbrojtëse në kohën e provimeve në afatin e qershorit. Me këtë rast, Rektori Nimani i ndau mirënjohje kësaj shoqate.
Këtë mbështetje e kanë vlerësuar tejet të rëndësishme përfaqësuesit e studentëve nga Parlamenti Studentor, që u shprehën mirënjohës dhe falënderues për donacionin.
Tashmë të gjithë studentët që nuk kanë mundësi për këto pajisje, mund t’i marrin në hyrje të fakulteteve të tyre.

https://www.youtube.com/watch?v=0AW7pvOai00&t=5s


Shoqata Humanitare Bamirëse “Bereqeti”, dega në Gjakovë, ka shpërndarë sot 165 pako ushqimore dhe higjienike për familjet në nevojë në komunën e Gjakovës.
Lista e atyre që pranuan këto pako, është përpiluar nga Kryetarët e Bashkësive Lokale, duke u bazuar në nevojat e familjeve që po kalojnë situatë të vështirë ekonomike, sidomos në këtë periudhë kur po përballemi me COVID-19.
Sot, gjithashtu janë shpërndarë edhe 40 pako tjera për Shoqatën e të Verbërve në Gjakovë.












Shoqata Humanitare Bamirëse "Bereqeti", ndonëse ka përfunduar zyrtarisht aksionin "Sofra e Ramazanit 2020 ", ku si target kishte grumbullimin e 10 mijë pakove por falë vullnetmirëve dhe bamirësve ky numër u tejkalua në mbi 20 mijë pako ushqimore dhe higjienike të cilat janë shpërndarë për familjet nevojtare dhe skamnore nëpër Kosovë. Bereqeti megjithatë ende vazhdon të jetë pranë familjeve nevojtare në çdo vend të Kosovës. Në degët e kësaj Shoqate vazhdojnë të vijnë ndihma në artikuj ushqimor dhe higjienik për kategoritë sociale që më pas Bereqeti i shpërnda tek familjet nevojtare . Në vazhdim do të sjellim disa aktivitete nëpër komuna që po zhvillon SHHB “Bereqeti” në kuadër të aksionit "Sofra e Ramazanit 2020.

- Shoqata Humanitare “Bereqeti” ka pranuar sot një donacion nga fondacioni i Behgjet Pacollit në vlerë të 25 mijë eurove, ku do të mundësohet shpërndarja e 1 mijë pakove me produkte ushqimore për familjet në nevojë.

-Dega e Shoqatës "Bereqeti" në Gjakovë ka pranuar sot një donacion prej 40 pakosh ushqimore dhe 1 toni miell nga bamirës të cilët deshën që të mbesin anonim.

- Shoqata Humanitare Bamirëse "Bereqeti", dega në Mitrovicë falë bamirësisë së fizioterapeutit Skifter Ymerit dhe Arif Kadriut ka dhuruar 30 pako ushqimore për familjet nevojtare.

- Dega e Shoqatës "Bereqeti" në Obiliq ka pranuar një donacion prej 600 kg miell nga Arben Zeka, si dhe 250 kg miell nga Besnik Rama.

- Dega e Shoqatës "Bereqeti" në Deçan ka bërë shpërndarjen e 70 pakove ushqimore në prag të festës së Fitër Bajramit.Këto pako ishin donacion nga Kuvendi Komunal i Komunës së Deçanit (Shtabi Emergjent).

- Dega e Shoqatës "Bereqeti" në Podujevë ka pranuar një donacion prej 900 palë mbathjesh që do të shpërndahen për familjet nevojtare në këto ditë.

- Shoqata Humanitare Bamirëse "Bereqeti", dega në Prishtinë ka pranuar një donacion prej 40 pakosh ushqimore dhe higjienike nga N.t.sh. "Malvesa".Këto ndihma do të shpërndahen në prag të festës së Fitër Bajramit për familjet nevojtare të komunës së Prishtinës.

- Në prag të festës së Fitër Bajramit, Sh.p.k. "En-Sharku", në Rahovec, me pronarë Enes dhe Ehad Sharkun, kanë dhuruar për 30 familje veshmbathje për fëmijë.

- Shoqata Humanitare Bamirëse "Bereqeti", dega në Obiliq ka ndihmuar sot 19 familje në këtë komunë. Këto familje u ndihmuan me nga një pako ushqimore dhe me një thesë miell.

- Shoqata Humanitare Bamirëse "Bereqeti", dega në Gjakovë ka ndihmuar prindërit e nxënësve nevojtarë në shkollën fillore "Emin Duraku"Këtu u ndihmuan 27 familje si simbolikë e 27 klasave të kësaj shkolle.

- Shoqata Humanitare Bamirëse "Bereqeti", dega në Rahovec ka pranuar sot një donacion me veshmbathje nga tri firma të ndryshme, të cilat do të shpërndahen për familjet nevojtare.Firmat të cilat dhuruan veshmbathje janë: firma "Durguti", Sh.p.k. "Alibaba", N.t.sh. "Te Taibi".

Zyrtarët e SHHB “Bereqeti” bëjnë me dije se ndihmat nuk do të ndalen dhe do të ndihmohet çdo familje që ka nevojë natyrisht duke u mbështetur dhe humanizmin dhe solidaritetin e qytetarëve tanë që asnjëherë nuk ka munguar përkrahja e tyre dhe besimi i tyre në SHHB "Bereqeti".


Shoqata Humanitare "Bereqeti", dega në Gjakovë, ka filluar aksionin për grumbullimin e parave që familjes së Naim Krasniqit në Gjakovë t’i sigurojë një banesë, pasi që kjo familje së shpejti do të përfundojë në rrugë.



https://www.youtube.com/watch?v=-KbHV5WqX40


Aksioni “Sofra e Ramazanit 2020” vazhdon shpërndarjen e pakove ushqimore dhe higjienike. Shoqata Humanitare Bamirëse “Bereqeti” me degët e saja në gjithë territorin e Kosovës dhe të përkrahur edhe nga Këshillat e BI të Kosovës, po ndihmojnë familjet nevojtare, jetimët Këshillat Emergjent të Komunave, dhe të gjithë ata që kanë nevojë .
Me këtë rast Kryetari i Bashkësisë Islame të Kosovës, Myftiu Naim ef. Tërnava shpreh falënderime për të gjithë ata vullnetmirë qoftë nga Kosova apo diaspora që kanë mbështetur këtë aksion humanitar duke konfirmuar edhe një herë se pakot ushqimore dhe higjienike po u shpërndahen me amanet të plotë. Me këtë rast SHHB “Bereqeti” falënderon të gjithë kontribuuesit e deri tanishëm duke lutur Zotin xh.sh., që tua shtojë bereqetin dhe suksesin këtyre bamirësve por edhe tjerëve që do të ndihmojnë gjatë ditëve në vijim. Duhet theksuar se një pako ushqimore ka vlerën e 25 eurove.Behxhet ef. Ajvazi, drejtor i Bereqetit ka thënë se deri më tani kemi shpërndarë mbi 10.000 pako në tërë Kosovën, ndërsa në Prishtinë ne kemi shpërndarë mbi 1000 pako.
Në vazhdim po prezantojmë aktivitetin e shpërndarjes së pakove nëpër disa komuna:
Dega e Bereqetit në Lipjan deri më tash ka shpërndarë 1000 pako ushqimore e higjienike për një mijë familje skamnore.
Shoqata Humanitare Bamirëse “Bereqeti”, dega në Gjakovë shpërndau sot 50 pako ushqimore dhe higjienike për Shoqatën “Handikos”
Shoqata Humanitare Bamirëse “Bereqeti”, dega në Pejë ndihmoi sot Shoqatën “Handikos”, me 30 pako ushqimore e higjienike si dhe 750 kg miell.
Shoqata Bamirëse Humanitare “Bereqeti” do të jetë në terren vazhdimisht që këto pako të shpërndahen edhe gjatë ditëve në vijim.


"Sofra e Ramazanit" e organizuar nga Shoqata Humanitare Bamirëse "Bereqeti", po vazhdon të realizohet me suksesin më të mirë

Abdurrahman ef. Bejtullahu, koordinator i SH.H "Bereqeti", dega në Gjakovë, ka njoftuar se bashkëatdhetarët tanë nga Zvicra, të organizuar nga Behar Gola, përmes miqve dhe shokëve të tij, kanë mbedhur 12.500 euro, të cilat do të shërbejnë për blerjen e 500 pakove ushqimore.
Koordinatori Bejtullahu ka falënderuar përzemërsisht të gjithë bashkëatdhetarët tanë, duke lutur Allahu e Gjithëmëshirëshëm që t'i ruajë ata dhe familjet e tyre dhe t'i shpërblejë me të mirat e Tij në këtë dhe botën tjetër.






Shoqata Humanitare bamirëse “Bereqeti” dega në Gjakovë ndihmoi Famullinë “Lindja e Zojës” në Bec të Gjakovës me 25 pako ushqimore dhe higjienike

Aurora Koliqi nga Famullia “Lindja e Zojës” në Bec me këtë rast shprehu falënderime për Shoqatën Humanitare Bamirëse “Bereqeti” dega në Gjakovë që iu ka përgjigjur kërkesës së saj për ofrimin e kësaj ndihme për këto 25 familje skamnore duke kujtuar se kjo është mirësi e madhe dhe humanitet në vepër dhe ju falënderoj për respektin që keni ndaj kishës dhe klerit katolik.

Nga ana tjetër koordinatori i Bereqetit në Gjakovë Abdurrahman Bejtullahu tha se Bereqeti po ofron këtë ndihmë kësaj Famullie në bazë të kërkesës së motrës së nderuar Aurora Koliqi dhe falënderoj në të njëjtën kohë edhe për përkrahjen nga donatorët që po na mbështesin pandërprerë në aksionet tona humane të Bereqetit.

Për këto dy javë Shoqata Humanitare bamirëse “Bereqeti” dega në Gjakovë ka shpërndarë mbi 300 pako ushqimore dhe higjienike dhe këto ndihma do të rriten gjatë ditëve në vijim.

Me rastin e festës së Kurban Bajramit, Shoqata bamirëse “Bereqeti” dega në Gjakovë ndihmon me pako ushqimore 50 familje që kanë fëmijë jetimë

[youtube]http://www.youtube.com/watch?v=hcqdeWBjia0&feature=youtu.be[/youtube]



Këshilli i Bashkësisë Islame Gjakovë shtroi iftar madhështorë për strukturat e ndryshme të shoqërisë

Si gjithmonë, muaji i shenjtë i Ramazanit arrin t’i bashkojë njerëzit në një sofër të përbashkët dhe t’i solidarizojë ata mes njëri tjetrit. Sot, në ambientet e hotelit “President”, Këshilli i Bashkësisë Islame Gjakovë shtroi iftar madhështorë për strukturat e ndryshme të shoqërisë, ku të pranishëm ishin edhe Kryetari i Komunës së Gjakovës, Ardian Gjini, Ministri i Infrastrukturës Pal Lekaj, Kryetari i Partisë së Drejtësisë, Ferid Agani, përfaqësues të institucioneve, personalitete nga fusha të ndryshme, imamë dhe xhematlinjë nga të gjitha xhamitë, si dhe qytetarë tjerë të komunës së Gjakovës.
Në fillim Kryetari i KBIGJ, Ahmet ef.hoxha i përshëndeti të pranishmit dhe i falënderoi për pjesëmarrje në këtë iftar madhështorë.
Më pas me nga një fjalë rasti të pranishmëve iu drejtuan edhe Kryetari i Gjakovës, Ardian Gjini, Ministri i Infrastrukturës Pal Lekaj si dhe Kryetari i Partisë së Drejtësisë, Ferid Agani.





















Këshilli i Bashkësisë Islame i Gjakovës, në bashkëpunim me shoqatën humanitare “Bereqeti”, për nder të muajit të bekuar të Ramazanit, u ka shpërndarë këto ditë 100 pako ushqimore familjeve skamnore në Komunën e Gjakovës.

Abdurrahman Bejtullahi, përfaqësues i shoqatës humanitare “Bereqeti”, në Gjakovë, falënderoi Kryesinë e Bashkësisë Islame që, nëpërmejt shoqatës “Bereqeti”, vazhdimisht po u del në ndihmë familjeve skamnore për nder të muajit të bekuar Ramazan, ai u shpreh: “Këto pako janë ngashoqata humanitare “Bereqeti”, e cila vazhdimisht ka ndihmuar nevojtarët, andaj edhe këto ndihma janë të mirëseardhura që t’ua japim familjeve të varfra dhe atyre me nevojë. Nevoja është shumë e madhe për ndihma, ne po mundohemi që t’u dalim në ndihmë familjeve që kanë nevojë më të ngutshme, me anë të këtyre pakove ushqimore mundohemi që të zbusim sadopak gjendjen e rëndë ekonomike që kanë këto familje skamnore të komunës së Gjakovës dhe që t’i gëzojmë familjet e varfra dhe ato familje që kanë nevojë që edhe ata të ndiejnë gëzimin për Ramazan”,- tha ai.

Bejtullahi tha se deri më sot kanë arritur t’i shpërndajmë 650 pako ushqimore dhe beson që me ndihmën e Zotit deri në natën e fundit të Ramazanittë arrijnë t’i shpërndajmë 1000 pako ushqimore familjeve skamnore që sadopak të zbusin gjendjen e tyre sociale që edhe ata ta ndiejnë atmosferën e Ramazanit në sofrat e tyre.

Edhe familjarët u shprehën shumë falënderues për ndihmat që i morën. Burim Hasani njëri nga ata që morën pako ushqimore tha:”… këto pako po na gjenden në ditët më të vështira që kemi nevojë ne gjatë këtij muajit të bekuar dhe e falënderojmë hoxhën Abdurrahman, i cili na thirr dhe na ndihmon në çdo muaj. Zoti jua shpërbleftë!”. Po në këtë vazhdë, me pako ushqimore u ndihmuan edhe gratë të cilat marrin shërbime në shoqatën “Medica Kosova”.

Ky donacion është nga Ambasada e Emirateve të Bashkuara Arabe në Podgoricë, gjegjësisht nga fondacioni “Khalifa bin Zajed Al Nahjan” nga shteti Emirateve të Bashkuara Arabe dhe çdo pako ka vlerë prej 50 eurove.

Shoqatat “Gjysmëhëna e kuqe” dhe “Khalifa bin Zajed” gjatë ditëve të ardhshme, do të shpërndajnë gjithsej 2600 pako në tërë Republikën e Kosovës.

Me iniciativë të shoqatës “Bereqeti” dega në Gjakovë, e përfaqësuar nga koordinatori Abdurrahman ef.Bejtullahu dhe ndihmën e shumë donatorëve, sot e enjte më dt. 20.09.2018, është bërë inagurimi i shtëpisë së familjes treanëtarëshe Krelani nga Gjakova, e cila deri më tani ka jetuar në kushte jashtëzakonisht të rënda.

Prerja e shiritit të shtëpisë së re u bë nga Kryetari i Këshillit të Bashkësisë Islame në Gjakovë, Ahmet ef.Hoxha, i cili ia dorëzoi çelësat e shtëpisë Kaltrinës, anëtares së familjes.
Në fjalën e tij të rastit Kryetari i KBIGJ-së, Ahmet ef.Hoxha pasi falënderoi Zotin i Cili e mundësoi ndërtimin e kësaj shtëpie tha:
“Ju përshëndes dhe ju falënderoj për pjesmarrjen tuaj në këtë ditë të veçantë. Jemi tubuar këtu që t’i gëzojmë disa bashkëqytetarë tanë jetim. Mund të them se ky vit për ne si Këshill i Bashkësisë Islëm në Gjakovë është vit i suksesit. Brenda një periudhe shumë të shkurtë kemi përmbyllë dy projekte shumë të mëdha, duke u munduar që të fusim gëzimin në zemrat e disa bashkëqytetarëve tanë. Shfrytëzoj ratin që Në emrin tim personal dhe në emër të Këshillit të Bashkësisë Islëm në Gjakovë të falënderoj për mundin, kontributin dhe angazhimin e tij, imamin tonë të nderuar, koordinatorin e Shoqatës “Bereqeti” dega në Gjakovë. Abdurrahman ef.Bejtullahun, i cili gjatë kësaj periudhe katërmujore dha maksimumin që këto projekte të përfundojnë me sukses. Falënderimet u dedikohen edhe donatorëve të të cilët u solidarizuan dhe kontribuan që kjo familje ta gëzoj një shtëpi të re.”
Në fund pasticeria “Happy i vjetër” nga Gjakova për të pranishmit ka përgatitur një koktej.













Falë iniciativës së shoqatës “Bereqeti” dega në Gjakovë, e përfaqësuar nga koordinatori Abdurrahman ef.Bejtullahu, dhe donatorit Hamdi Golaj nga Gjakova i cili jeton dhe punon në Zvicer, sot e diele, më dt. 19.08.2018, është bërë inagurimi i shtëpisë pesëanëtarëshe e Burim Hasanit nga Gjakova, e cila deri më tani ka jetuar në kushte shumë të vështira ekonomike dhe sociale.

Prerja e shiritit të shtëpisë së re u bë nga Kryetari i Këshillit të Bashkësisë Islame në Gjakovë, Ahmet ef.Hoxha dhe Hamdi Golaj, ku ky i dyti ia dorëzoi kryefamiljarit çelësat e shtëpisë.
Në fjalën e tij të rastit Kryetari i KBIGJ-së, Ahmet ef.Hoxha i falënderoi të pranishmit për pjesëmarrje në këtë eviniment në prag të festës së Kurban Bajramit. Ai e falënderoi edhe donatorin, Hamdi Golaj, ku falë solidariteti të tij, familjës Hasani i janë larguar brengat e vuajtjet dhe sot gëzojnë një shtëpi të re.
Ndërsa familja Hasani janë shprehur jashtëzakonisht të lumtur me kushtet që i ka shtëpia e tyre e re njëherit kanë falënderuar donatorin i cili ka kontribuar nga pasuria e tij për një jetë më të mirë për anëtarët e familjes së tyre.
Në fund pasticeria “Happy i vjetër” nga Gjakova ka përgatitur një koktej për të gjithë të pranishmit.

















Shoqata humanitare bamirëse “Bereqeti” dega në Gjakovë ka ndihmuar me pako ushqimore dhe veshmbathje rreth 45 familje të cilat jetojnë në banesat sociale në Gjakovë.

Me këtë rast koordinatori i Shoqatës “Bereqeti” dega në Gjakovë, Abdurrahman Bejtullahu, tha se falë vullnetit të mirë të bamirësve gjatë këtij muaji janë ndarë dy mijë pako për familjet që jetojnë nevojtare në komunën e Gjakovës.

“Sot kemi shpërndarë ndihmë për 45 familje që jetojnë në këto dy banesa. Asnjë nuk e kemi anashkaluar, të gjithë janë prezent. Secila pako kap vlerën prej 50 euro. Në to ka veshmbathje dhe gjëra ushqimore. Falë Zotit, gjatë muajit të Ramazanit, dega e Bereqetit në Gjakovë ka rrit kulmin e bamirësisë. Është viti i parë që kemi arrit t’i përgatisim mbi 2000 pako deri në festën e Bajramit. Ndihmat i kemi shpërndarë nëpër lagjet më të varfra dhe nëpër fshatra. Shfrytëzoj rastin t’i përshëndes dhe t’i falënderoj të gjithë ata që na ndihmojnë që këtyre familjeve sadopak t’ju lehtësojmë jetën e tyre”, tha Bejtullahu.

Familjet që u ndihmuan falënderuan të gjithë ata që kanë marrë këtë iniciativë humanitare.








Shoqata humanitare “Bereqeti” dega në Gjakovë, për nderë të muaji të bekuar të Ramazanit, ka shpërndarë 200 pako ushqimore dhe produkte higjienike për familjet nevojtare.

Kësaj radhe ndihmat i janë shpërndarë familjeve, anëtarë të së cilës janë pjesë e shoqatës së të verbërve.
“Sot kemi bërë shpërndarjen e 200 pakove, 150 prej të cilave kanë ardhë nga Turqia, ndërsa 50 tjera nga qytetarët e Gjakovës, të cilët janë donatorë të rregullt. Kjo është hera e dytë që bëjmë e shpërndarjen e ndihmave gjatë muajit të Ramazanit. Herën tjetër planifikojmë t’i përfshijmë edhe familjet nevojtare nga fshatrat. Apeloj tek të gjithë njerëzit e vullnetit të mirë që të ndihmojnë në çfarëdo mënyre këto familje skamnore e të vobekta të cilat kanë mbet në mëshirën e kohës”, është shprehur koordinatori i Shoqatës “Bereqeti” dega në Gjakovë, Abdurrahman Bejtullahu.
Familjarët që janë ndihmuar me këto pako janë shprehur falënderues për këtë ndihmë e cila sipas tyre sadopak ua lehtëson jetën e tyre.





Në vazhdën e aktiviteteve të Kryesisë së Bashkësisë Islame të Republikës së Kosovës (BIRK) të Ramazanit 2018, të kryesuar nga myftiu i Republikës së Kosovës Naim ef. Tërnava, ekipi i Ramazanit qëndroi në rajonin e Pejës, ku u shtrua iftar tradicional për administratën dhe imamët e Këshillave të Pejës, Klinës, Deçanit, Istogut dhe Gjakovës.

Pas iftarit me një fjalë rasti të pranishmëve në emër të Kryesisë së BIRK-së iu drejtua Myftiu Naim ef. Tërnava, i cili drejtoi lutje Zotit që duatë dhe agjërimin të na i pranojë dhe edhe më të mundohemi të fitojmë nga ky muaj i bekuar. Në vazhdim ai përgëzoi imamët për punën që janë duke e bërë nëpër Këshillat e BI-së, dhe potencoi edhe rolin që duhet ta luajë vazhdimisht imami në shërbim të fesë dhe kombit, duke ditur se ky është një amanet që e kemi para Zotit dhe kombit në mënyrë që para Zotit të dalim faqebardhë. ”Këtë muaj e veçoi Zoti duke dhuruar begati të njëpasnjëshme. Ne jemi duke agjëruar dhe në këtë muaj do ta presin Natën e Kadrit e cila është një dhuratë tepër e çmuar për ymmetin e Muhamedit ”-shtoi myftiu Tërnava.
Ai ka porositur imamët që të punojnë edhe më shumë në të mirë të xhematit dhe shoqërisë në përgjithësi. Ai ka folur edhe për Medresenë Alauddin, e cila ka luajtur rol qendror në edukimin e kuadrit fetar dhe ishte qëndresë e çështjes fetare dhe kombëtare, si dhe Fakultetin e Studimeve Islame në Prishtinë që po formon dhe përgatit profesionalisht kuadrin fetar që nesër janë pjesë BIK-ut.
Pas iftarit, ekipi i Ramazanit u shpërnda nëpër xhamitë e rajonit të Pejës për të ligjëruar nëpër xhami dhe falë namazin e teravisë./bislame/

Sot, në zyrat e Këshillit të Bashkësisë Islame në Gjakovë, u mbajt mbledhja me imamët e komunës së Gjakovës, ku si temë ishte parapërgatitja për muajin e madhëruar të Ramazanit, bashkëbisedimi me imamët për aktivitet që do të zhvillohen gjatë këtij muaji dhe koordinimi i punëve shtesë.

Takimin e hapi kryeimami i KBIGJ-së, Visar ef.Koshi, i cili i përshëndeti të pranishmit dhe i njoftoi për qëllimin e takimit, i cili ka të bëjë me koordinimin dhe organizimin e aktiviteteve gjatë muajit të Ramazanit.
“Shfrytëzoj rastin t’ju përshëndes dhe t’ju falënderoj për pjesëmarrjen tuaj në këtë takim. Edhe këtë vit jemi munduar t’i marrim të gjitha masat e duhura për të qenë sa më të përgatitur për muajin e shenjtë të Ramazanit. Është me rëndësi që gjatë këtij muaji të jemi sa më afër xhematit ngase, siç e dimë, vetë muaj i Ramazanit është muaj i mëshirës dhe i solidaritetit. Prandaj nga ne kërkohet, që të jemi sa më aktiv që këtë muaj ta presim sa më të përgatitur. Pa dyshim se muaji i Ramazanit do jetë më dinamik në shumëllojshmërinë e aktiviteteve. Gjatë këtij muaji përveç faljes së namazit të teravive do të ketë organizim të ligjëratave dhe një sërë aktivitetesh tjera kushtuar këtij muaji.”

Pas fjalës së kryeimamit, imamët paraqiten idetë, propozimet dhe sugjerimit e tyre që kanë të bëjnë me organizimin e aktiviteteve që do të zhvillohen në kuadër të muajit të Ramazanit në komunën e Gjakovës.









Sot, me datë 12 maj 2018, Këshilli i Bashkësisë Islame Gjakovë shënoi hapjen solemne të zyres dhe hapsirave për aktivitete të Departamentit të Gruas, në galerinë e katit të parë, në ndërtesen pranë Xhamisë së Re në Gjakovë

Me ç’rast kryesuesja e këtij departamenti PhD. Violeta Smajlaj, së bashku me teologen Mexhide Hoxha, pasi mirëpriten të ftuarit, shpalosen të arriturat e deritanishme, aspiratat e mëtutjeshme, dhe ndanë mirënjohje.

Të pranishmit i përshendeten me fjalë rasti:
- Mr. Vaxhide Bunjaku - Drejtore e Departamentit të Gruas në Kryesi të Bashkësisë Islame në Prishtinë.
- Prof. Besa Ismaili - Prodekane e Fakultetit të Studimeve Islame, në Prishtinë.
- Znj. Sanije Berisha - nga Shoqata e Gruas, në Gjakovë.

Njëherit, nderuan me prezencen e tyre - Blerta Iljazi - aktiviste e DG-së të KBI-së në Fushë Kosovë - Arta Gorqaj - Udhëheqëse e DG-së të KBI-së në Istog - Mihana Goga - aktiviste e DG-së të KBI-së në Obiliq - Dr. Florentina Tërmkolli

Departamenti i Gruas pranë KBI-së në Gjakovë, shpreh mirënjohjen e thellë për gjithë të pranishmit dhe uron që ky solemnitet të jetë fillesë e një mbarësie të vazhdueshme!



PhD. Violeta Smajlaj







Video

Program fetar dedikuar ardhjes së Muhamedit a.s. si mëshirë për botën

Na ndiqni

Lexoni lajmet më të fundit nga rrjetet tona sociale!