Në botën e sotme, mënyrat jo të shëndetshme të jetesës dhe ushqimet e ndryshme të pabalancuara shpesh ndikojnë negativisht në trupin tonë, duke shkaktuar sëmundje të ndryshme kronike dhe mbipeshë.

Rëndësia e një Jetese të Shëndetshme

Shumë njerëz janë të vetëdijshëm për nevojën e një diete të ekuilibruar dhe aktiviteteve fizike për të parandaluar këto probleme.
Megjithatë, shumë përpara se të njihej koncepti i dietës moderne, i Dërguari i Allahut, Muhamedi (paqja dhe bekimet e Allahut qofshin mbi të) na ka mësuar rreth rëndësisë së një jetese të shëndetshme dhe një ushqyerjeje të moderuar.
“Një ndër shqetësimet e mia më të mëdha për umetin tim është fryrja e barkut (nga ngrënia e tepërt), gjumi i tepërt, përtacia dhe dobësimi i besimit.” (Transmeton Darakutni)
“Barku është shtëpi e çdo sëmundjeje, e maturia është kryet e çdo ilaçi, andaj përvetësojeni ketë traditë.” (Transmeton Buhariu)
“Ena më e keqe që mbush njeriu, është barku i tij. Për këtë arsye, është e mjaftueshme që bijtë e Ademit ta shuajnë urinë me disa kafshata sa për ta kthyer forcën. Nëse duhet të hani, mjafton të mbushni një të tretën e barkut tuaj me ushqim, një të tretën me ujë dhe një të tretën ta lini për frymëmarrje normale”. (Transmeton Tirmidhiu)
Kurani i Shenjtë, si udhërrëfyes i jetës njerëzore, na këshillon për ushqime të ndryshme, që jo vetëm janë hallall dhe të dobishme për shëndetin, por edhe të përmendura si pjesë e bekimeve të xhenetit.

Këtu janë 10 ushqimet dietike të rekomanduara në  Kuranin e Shenjtë: 

Hurmat

Sureja Merjem: 25

Hurmat, ushqimi i preferuar i Muhamedit (paqja dhe bekimet e Allahut qofshin mbi të), janë të pasura me vitamina dhe minerale që forcojnë imunitetin dhe ndihmojnë në mbajtjen e trupit të shëndetshëm.

Misri

Sureja En-Nebe: 15

Misri është një burim i shkëlqyer proteinash, që ndihmon në përshpejtimin e metabolizmit, krijon ndjenjën e ngopjes dhe kontribuon në zhvillimin e muskujve.

Xhenxhefili

Sureja El-Insan: 17

Xhenxhefili, i përmendur si një përbërës i pijeve të xhenetit, ka shumë përfitime shëndetësore, duke përfshirë lehtësimin e dhimbjeve gjatë ciklit menstrual, parandalimin e kancerit dhe trajtimin e të përzierave.

Ullinjtë

Sureja Et-Tin: 1

Ullinjtë janë një nga ushqimet që përmenden në xhenet. Vaji i ullirit është i njohur për dobitë e tij për lëkurën, flokët dhe trajtimin e ulcerës në stomak.

Shegët

Sureja Er-Rahman: 68 

Konsumi i shegëve këshillohet në Kuran. Ky frut i shijshëm është i pasur me antioksidantë, ndihmon në kontrollin e tensionit të gjakut dhe përmirëson gjendjen shpirtërore.

Mjalti

Sureja En-Nahl: 69 

Mjalti është një ilaç natyral për shumë sëmundje. Muhamedi (paqja dhe bekimet e Allahut qofshin mbi të) pinte çdo mëngjes ujë të përzier me mjaltë për të ruajtur shëndetin.

Qumështi

Sureja Muhamed: 15

Qumështi i pastër nga bagëtit përmendet si një pije e pastër dhe ushqyese. Muhamedi (paqja dhe bekimet e Allahut qofshin mbi të) pinte shpesh qumësht dhie dhe deveje.

Peshku

Sureja El-Kehf: 63

Siç përmendet në Kuran, ushqimet e detit si peshku janë të rekomanduara. Peshku është një burim i pasur ushqyesish si Omega 3, që ndihmon në reduktimin e rrezikut për sëmundje të zemrës, demencës dhe depresionit.

Bananet

Sureja El-Uakia: 29

Bananet janë të pasura me karbohidrate dhe lëndë ushqyese si kaliumi, magnezi, vitamin B6  e C, fibra dhe proteina. Janë një ushqim i shkëlqyer për energji gjatë aktiviteteve fizike.

Mishi i Shpendëve

Sureja El-Uakia: 21

Mishi i shpendëve, si pula, shota dhe rosa, është një burim i rëndësishëm proteinash dhe mineraleve. Muhamed (paqja dhe bekimet e Allahut qofshin mbi të) e quante mishin "mbreti i ushqimeve".

Përfundim: 

Ushqimet e përmendura në Kuran jo vetëm që janë hallall për myslimanët, por gjithashtu janë tepër të dobishme për shëndetin e trupit. Shumë prej tyre klasifikohen si superushqime për shkak të përfitimeve të shumta që ofrojnë. Përfshirja e këtyre ushqimeve në dietën tonë mund të kontribuojë në një jetë të shëndetshme dhe të balancuar.